लमजुङ – जिल्ला प्रशासन कार्यालयबाट सीसीटीभि बन्द गरी राती १० बजे किर्ते नागरिकता बनाएको आरोपमा प्रहरीले दुई जनालाई पक्राउ गरी अनुसन्धान गरिरहेको छ ।

पक्राउ पर्नेमा प्रशासन कार्यालयको राहदानी शाखामा कार्यरत चितवन घर भएका २७ बर्षीय अशोक भण्डारी र बेसीशहर नगरपालिका–४  घर भएकी ३४ बर्षीय सविता गुरुङ छन् । 

जिल्ला प्रशासन कार्यालयबाट नागरिकता नं. ४५१०२६–१३८७७ रहेको ती युवतीको गत फागुन २२ गते राती सीसीटीभि समेत बन्द गरी किर्ते नागरिकता बनाइएको थियो । 

प्रहरीले ती युवतीलाई चैत्र १४ गते बिहिबार र प्रशासनका कर्मचारी भण्डारीलाई चैत्र १५ गते शुक्रबार पक्राउ गरेको जिल्ला प्रहरी कार्यालयका प्रहरी निरीक्षक अभिषेक पाण्डेले बताए । 

पक्राउ परेका दुवै जनालाई जिल्ला अदालतबाट किर्ते नागरिकताको मुद्धामा म्याद थपको अनुमती लिएर अनुसन्धान थालिएको जिल्ला प्रहरी कार्यालयका प्रमुख प्रहरी नायव उपरीक्षक रेशम बोहोराले जानकारी दिए । 

यस घट्नाको विषयमा सुस्म अनुसन्धान गरिरहेको प्रहरीले जनाएको छ । 

यो पनि..

लमजुङ : नागरिकता प्रकरणमा वडा अध्यक्ष फसाउन सिडिओको जालझेल [फलोअप]

लमजुङ : रातमा सीसीटीभि बन्द, प्रशासनमा नागरिकताको कारोबार