तनहुँ -  नियन्त्रित लागु औषध सहित प्रहरीले लमजुङका एक युवकलाई पक्राउ गरेको छ । पक्राउ पर्नेमा लमजुङ राइनास नगरपालिका-४, बस्ने २६ वर्षीय आशिष गैरे रहेका छन् ।

प्रहरीले चेकजाँचका क्रममा पृथ्वी राजमार्ग सडक खण्ड अन्तर्गत तनहुँको आँबुखैरेनी गाउँपालिका-४, बेनिटारमा लुकाई छिपाई ल्याइएको नियन्त्रित लागु औषध सहित बिहीबार गैरेलाई पक्राउ गरेको हो ।

प्रहरीले उनको साथबाट ट्रमाडोल २ सय ६० थान क्याप्सुल बरामद गरेको छ । पक्राउ परेका गैरेमाथी थप अनुसन्धान भइरहेको इलाका प्रहरी कार्यालय आँबुखैरेनीले जनाएको छ ।