लमजुङ – स्ववियु निर्वाचनमा जिल्लामा नेविसंघले सुरुवातमै जित निकालेको छ । मध्यनेपाल नगरपालिका–३, सोतीपसल स्थित मंगला क्याम्पसको स्वतन्त्र विद्यार्थी युनियन (स्ववियु) निर्वाचनमा नेविसंघको प्यानल निर्वाचित भएको छ । 

स्ववियु निर्वाचनमा नेविसंघका उम्मेदवारको मात्र उम्मेदवारी परेकाले निर्विरोध भएको क्याम्पस प्रमुख उदयचन्द्र कंडेलले बताए । ११ सदस्य रहेको स्ववियुमा नेविसंघका तर्फबाट मात्र उम्मेदवारी परेका कारण निर्विरोध घोषणा गरिएको कंडेलले सुनाए ।

स्ववियु सभापतिमा रामचन्द्र खनाल निर्विरोध भएका छन् । सचिवमा रामकुमार श्रेष्ठ र कोषाध्यक्षमा राधा सिंजाली निर्विरोध भए । 

निर्विरोध हुने सदस्यहरुमा दिपक ओझा, कृष्ण मुरारी कगाले, मनिता भूजेल, मनिषा नेपाली, शुष्मा अधिकारी, सुकमित गुरुङ, अनिल मिश्र र विनोद न्यौपाने छन् । 

त्यहाँ १ सय ४ जना (विद्यार्थी) मतदाता छन् । क्याम्पसमा हाल स्नातकसम्म अध्ययन, अध्यापन हुँदै आएको छ ।