मुग्लिन – त्रिशूली नदीमा खसेर बेपत्ता भएका लमजुङका रोहित रानाको शव ९ दिनपछि फेला परेको छ ।

रानाको शव नारायणगढ–मुग्लिन सडकखण्ड अन्तर्गत चितवनको इच्छाकामना गाउँपालिका–५, कालीखोला नजिकै फेला परेको मुग्लिन प्रहरीले जनाएको छ ।

सडकखण्ड अन्तर्गत (सोहि स्थान) कालीखोला नजिकै मोटरसाइकल दुर्घटनामा परी त्रिशूलीमा खस्दा २७ वर्षीय राना फागुन २ गतेबाट बेपत्ता थिए ।

त्रिशूलीमा तैरिरहेको अवस्थामा उनको शव आइतबार बिहान फेला परेको हो । रानाको शव अहिले पोस्टमार्टमका लागि भरतपुर अस्पताल लगिएको इलाका प्रहरी कार्यालय मुग्लिनका प्रहरी निरीक्षक निरला भण्डारीले जानकारी दिइन् । 

लमजुङको साविक चन्द्रेश्वर गाविस–३, गिरेचौर घर भएका राना हाल चितवन भरतपुर महानगरपालिका–१, रामनगरमा परिवारसँगै बस्दै आएका थिए । 

बा ००६–०२ प ९२०४ नम्बरको मोटरसाइकलमा एक्लै काठमाडौंका हिडेका राना फागुन २ गते बिहान करिब १२ बजेको समयमा मोटरसाइकल सडक छेवैको डिभाइडरमा ठोक्किँदा त्रिशूलीमा खसेर बेपत्ता भएका थिए । 

उनको मोटरसाइकल भने सडकमै थियो । भारतीय सेनामा कार्यरत राना छुट्टिमा घर आएका बेला दुर्घटनामा परेको प्रहरीले जनाएको छ । 

यो पनि..

त्रिशूलीमा मोटरसाइकल खस्दा लमजुङका एक युवक बेपत्ता, खोजी जारी