लमजुङ - लमजुङको दोर्दीमा जिप दुर्घटना हुँदा एक जनाको मृत्यु भएको छ। मृत्यु हुनेमा दोर्दी गाउँपालिका- ४ का ५० वर्षीय पूर्णबहादुर तामाङ रहेको प्रहरीले जनाएको छ । 

प्रहरीका अनुसार नौथर सेराबाट कामचोक जाँदै गरेको गरेको ग १  ज ७५६१ नम्बरको बोलेरो जिप आइतबार साँझ पौने ६ बजेतिर दुर्घटना भएको हो । दुर्घटना परी ३ जना घाइते भएका छन् । 

घाइतेलाई उपचारको लागि  लमजुङ अस्पताल  लमजुङमा ल्याइएको जिल्ला प्रहरी कार्यालय लमजुङका प्रहरी निरीक्षक थानेश्वर चपाईले बताए । उनका अनुसार जिपमा चालकसहित ६ जना रहेको थियो । चालक प्रहरीको नियन्त्रणमा रहेको छ ।