मनाङ - हिमाली जिल्ला मनाङमा लेक लागेर एक भारतीय पर्यटकको मृत्यु भएको छ । मृत्यु हुनेमा भारतको केरला घर भएका ३५ वर्षीय युवक मोहम्मद रजिम चेत्तियन क्यान्डी रहेका छन् ।

तिलिचो ताल पुगेर फर्किएका उनको मनाङको ङिस्याङ गापा–९  स्थित माथिल्लो श्रीखर्क नजिकै बाटोमा बुधबार बिहान शव फेला परेको मनाङ प्रहरीले जनाएको छ । 

उनी मंगलबार राती तिलिचो बेसक्याम्पमा बसेको र बुधबार बिहान हिडेर खाङ्सार तर्फ फकर्ने क्रममा लेक लागेर बाटोमै मृत्यु भएको हुनसक्ने प्रहरीको प्रारम्भीक अनुमान छ । 

प्रहरीको टोली घटनास्थलमा पुगेर युवकको शवलाई सदरमुकाम चामेतर्फ ल्याउँदै गरेको जिल्ला प्रहरी कार्यालय मनाङका सूचना अधिकारी इन्सपेक्टर पुष्कर कार्कीले जानकारी दिए ।

अन्य थप विवरण आउन बाँकी छ ।