रुपाकोट – तनहुँको भानु नगरपालिका–११ रुपाकोट मानेचौका स्थित त्रिभुवन माविमा एक पुर्व विद्यार्थीले आफ्ना स्व. माता पिताको नाममा अक्ष्यकोष खडा गरेकी छन् ।
विद्यालयकी पूर्व विद्यार्थी भानु नपा–११ राम्चे माइती भई लमजुङको बेसीशहर नगरपालिका ७ निवासी शोभा देवी ढुङ्गानाले आफना स्व. पिता श्रीराम ढुङ्गाना (रोहिणी राज ढुङ्गाना) र स्व. माता सम्झना ढुङ्गानाको स्मृतिमा अक्ष्यकोष स्थापना गरेकी हुन् ।
विद्यालयमा अध्ययन गर्ने गरिब, जेहेन्दार, अनुशासित छात्रछात्राहरुले रु. ५० हजार ५५५ को बार्षिक ब्याजबाट पुरस्कार पाउने गरी अक्ष्यकोष स्थापना गरी सहयोग गरेको विद्यालयका प्रअ हिरामणी ढुङ्गानाले बताए ।
उनी त्रिभुवन माविको २०३७ सालको एस.एल.सी.ब्याजकी छात्रा हुन् । शैक्षिक गुणस्तरमा आफनो छुट्टै पहिचान बनाएको त्रिभुवन माविमा अध्ययन गर्ने विद्यार्थीहरुलाई आफनो थोरै सहयोग मिलोस भन्ने हेतुले स्व. माता पिताको नाममा सहयोग गरेको उनले बताइन् ।
उनी लमजुङका विभिन्न सामाजिक गतिविधिमा समेत सक्रिय छिन् ।
