रवि लामिछाने भारी मतान्तरसहित चितवन-२ बाट पुन: निर्वाचित
चितवन- आइतबार भएको प्रतिनिधि सभा सदस्य उपनिर्वाचनमा चितवन-२ बाट राष्ट्रिय स्वतन्त्र पार्टीका सभापति रवि लामिछाने भारी मतान्तरसहित विजयी भएका छन्।
अन्तिम मत परिणाममा लामिछानेले ५४ हजार १७६ मत पाए । दोस्रो स्थानमा रहेका नेपाली कांग्रेसका उम्मेदवार जितनारायण श्रेष्ठले ११ हजार २१४ मत पाएका छन्।
उनीहरूबीचको मतान्तर ४२ हजार ९६२ छ। नेकपा एमालेका उम्मेदवार रामप्रसाद न्यौपानेले १० हजार ९३६ मत पाएका छन्।
यसअघि मंसिर ४ मा भएको चुनावमा यो क्षेत्रबाट लामिछाने नै निर्वाचित भएका थिए। त्यतिबेला उनले ४९ हजार ३०० मत पाएका थिए।
अमेरिकी नागरिकता लिएर फेरि नेपाली नागरिकता नलिएको मुद्दामा उनको सांसद पद गुमेको थियो। उनको सांसद पद गुमेका कारण चितवन-२ मा उपनिर्वाचन भएको हो।
प्रकाशित मिति: मंगलबार, वैशाख १२, २०८० १२:५८
प्रतिक्रिया दिनुहोस्
थप राजनीति
साताको लोकप्रीय
