लमजुङ– सार्क स्मार्ट भिलेज एवं सुखी गाउँ घलेगाउँमा सञ्चालित छैटौँ स्मार्ट भिलेज आमन्त्रित गोल्ड कप फुटबल प्रतियोगिताको उपाधि बेसीशहर युथ सोसाइटी शेराले हात पारेको छ ।

घलेगाउँको स्वर्गभूमि रंगशालामा शुक्रबार भएको फाइनल खेलमा सेण्ट्रल कलेज रड्स रामपुरलाइ एक्का बिरुद्ध २ गोल गर्दै बेसीशहर युथ सोसाइटीले उपाधि जितेको हो । 

गोल्डकप  जितेसंगै बेसीशहर युथ सोसाइटीले नगद ५ लाख ५ सय ५५ रुपैयाँ, गोल्डकप र स्वर्णपदक पुरस्कार प्राप्त गरेको छ । उपबिजेता रड्स रामपुरले भने, नगद ३ लाख ३ सय ५५ रुपैयाँ पाएको छ । प्रतियोगीतामा १२ टिम सहभागी रहेको आयोजक पर्यटन व्यवस्थापन समिति स्मार्ट भिलेज घलेगाउँले जनाएको छ ।